Марий Эл вуйлатыше Отечестве воин-влакын еш комитетыштын регионысо штабшын активше дене вашлийын.
Вашлиймаште специальный военный операцийын участникше да нунын ешыштлан полышым пуымо, добровольческий формированийыште лийше-шамычлан выплатым тӱлымӧ, Отечестве воин-влакын еш комитетыштын еҥже-влакын Кугу Отечественный сарыште Сеҥымашлан 80 ийым пайремлымашке ушнымо, «Жена Героя. Мать Героя. Марий Эл» фотопроектын кумшо йыжыҥжым эртарыме йодыш-влакым тарватыме.
Отечестве воин-влакын еш комитетыштын регионысо штабше шке пашажым 2023 ий 4 феральыште тӱҥалын. Вуйлатышыже – Ирина Багаева. Ушем специальный военный операцийын участникше-влаклан да нунын ешыштлан психологий да шӱм-чон полышым пуа, тыгак юридический, гуманитар да быт йодыш-шамычым рашемда.
Идалык тӱҥалтыш гыч 400 утла йодмашым ончымо, СВО участник-влакын лишыл еҥыштым Москвашке, Санкт-Петербургышко, Казаньыш экскурсий дене намийыме, палемден регионысо комитетын штабшым вуйлатыше Ирина Багаева. Штаб пелен 7 психолог пашам ышта, тӱшка занятий да йодыш дене толшо кажне еҥлан посна консультаций эртаралтыт. Самырык тукымым патриот шӱлышеш куштымо шонымаш дене мужество урок, шарнен илыме кече-влаклан пӧлеклалтше торжественный мероприятий-влак лиедат. Штаб «Жена Героя. Мать Героя» проектыш ушнен, проектын фотографийже-шамыч Марий Элын ятыр районлаштыже ончыкталтыныт.
Марий Эл вуйлатыше палемден: Отечестве воин-влакын еш комитет специальный военный операций каен шогымо верыште улшо военнослужащий-влакын ешыштлан полышым пуымо шотышто кугу пашам шуктен шога.
«Республикын правительствыжат тидын шотышто шуко ышта. Жап эрта – у задаче-влак шындалтыт, нуным пырля решатлыман. Комитетын еҥже-влаклан пашам уло шӱм-чон дене ыштымыштлан таум ойлем. Ме эре воктенда улына, лекше нелылыкым иквереш сеҥен толына. Отечествым аралыше-влакын фондат шуко пашам ышта. Чыла организацийым ик кугу шонымаш уша – боецна-влаклан да нунын ешыштлан полшаш», – каласен Юрий Зайцев.
Вашлиймаште Юрий Зайцев Отечестве воин-влакын еш комитетыштын регонысо штабшын вуйлатышыже Ирина Багаевалан Россий Федерацийыште Айдемын праваже шотышто уполномоченныйын таумутшым кучыктен.
Марий Эл Республикым вуйлатышын пресс-службыжын уверже негызеш
Лидия СЕМЕНОВА ямдылен
Денис Речкинын фотожо/пресс-службо
