21 майыште Марий Элым вуйлатыше Александр Евстифеев видеоконференцийыште лийын. Тудым Россий Федераций правительстве председательын икымше алмаштышыже — Россий финанс министр Антон Силуанов эртарен.
Видеоконференцийыште регионлаште нацпроект-влакым шуктен толмо йодышым каҥашыме. Ончышаш паша радамыш пуртымо теме-влак кокла гыч иктыже Россий Федерацийын субъектше-влакын кӱшыл должностной еҥыштын да исполнительный кучем орган-влакын пашаштын пайдалыкшым аклымашлан пєлеклалтын. Тылеч посна федеральный проект-влакын цельышкышт, показательышкышт да результатышкышт шумашке виктаралтше региональный проект-шамычым шуктен толмым шымлыме нерген мутланыме. Видеконференцийыште лийше-влак тыгак пайдалыкым аклыме тӱҥ показательлаште ончыктымо задаче-влакым шуктен толмаште погынышо эн сай практический опыт дене икте-весым ваш-ваш палдареныт.
Марий Элыште кызыт 53 региональный проект шукталтеш. Нацпроект-влакым на нунын радамыш пурышо федеральный ден региональный проект-шамычым шуктен толмо пашам Марий Элым вуйлатыше эреак шинча ончылно куча.
Марий Эл Республикым вуйлатышын организаций да аналитике виктемжын уверже негызеш П.Шакиров ямдылен