Волжск олан администрацийыштыже «Марий Элын деловой ӱдырамашыже-влак» теме дене «йыргешке ӱстел» эртен.
Тушко Йошкар-Ола гыч «Марий Эл Республикын деловой ӱдырамашыже-влакын ушемышт» мер организацийын еҥже, амалкалче, организаций ден предприятийым вуйлатыше-шамыч миеныт.
Деловой ӱдырамаш-влакын ушемыштым вуйлатыше Оксана Татаринова организаций дене палдарен да Волжск оласе ӱдырамаш-влак дене пеҥгыде кылым ышташ темлен. Заседанийыште тыгак ушемын ончыкылык пашаж денат палдарыме. А Волжск оласе да Волжский районысо калыклан паша верым ситарыме рӱдерын уверже мер организаций, бизнесын чолга ӱдырамашыже да моло структур гыч толшо еҥ-влаклан социальный партнёрствым ышташ моткоч кӱлеш лийын.
М.ИВАНОВА.