«Артек» тӱнямбал йоча рӱдерыште «Россий йоча-влак мурат 2018» фестивальын финалже эртен.
Тушко Российын тӱрлӧ регионжо гыч школ пеленысе хор-влак ушненыт. Чылаже 20 коллектив мастарлыкым ончыктен. Нуным жюри аклен. Жюрим Российын калык артистше Геннадий Дмитряк вуйлатен. Марий Эл гыч тушко Йошкар-Оласе 19-ше №-ан общеобразовательный школ пеленсе хор миен да икымше степенян лауреат лӱм дене палемдалтын. Ты коллективым Марий Эл культурын сулло пашаеҥже, пашан ветеранже Елена Кузьминых вуйлата.
А.Байкова