ПФО-н 14 аэропортыштыжо йоча-влаклан «Родная игрушка» всероссийский конкурсышто сеҥыше-влакын персонажыштым ончыктыман чиялтышашлык сӱрет-влакым пуэдат.
Чылаже 35 тӱжем тематический раскраскым ямдылаш Россий Федерацийын Транспорт министерствыже ден Росавиаций йӧным ыштеныт.
Чиялтышашлык сӱрет-влак палемдыме конкурсышто сеҥыше 24 проект негызеш ышталтыныт да «Российын историйже да тӱвыраже», «XXI курымын геройжо-влак», «Еш да духовно-нравственный поянлык», «Технологий сеҥымаш-влак» теме дене кылдалтше улыт.
Персонаж-влак коклаште – элнан историйыштыже келге кышам кодышо герой, россий регионласе талисман, калык йомак гыч сюжетан модыш, кызытсе жапын геройжо-влак да молат. Кажне иллюстраций йоча-влакым наукылан, историйлан, усталык пашалан кумыландат, патриотизм шӱлышым шочыктат.
Конкурсын икымше сезоныштыжо сеҥыше автор-влак радамыште – Йошкар-Ола гыч Кирилл Милютин. Тудо «Шке олатым чоҥо. Пу кугыжаныш» пу конструктор-влак серийым ямдылен.
Г.Кожевникова
Фотом «Знание» Россий обществын пресс-службыж гыч налме
