Марий Элыште грипп деч прививкым, йӱштӧ пагыт толмым вучыде, кызытак ышташ лиеш. Республикыш «Совигрипп» вакцинын икымше тӱшкаже толын.
Кеҥежын пытартыш тылзыштыже Роспотребназорын Марий Элысе управленийже шушаш шыже-теле пагыт лишан прививкым ончылгоч ышташ ӱжеш. Кугыеҥ-влаклан иммунизацийым ышташ гына кодшо кечылаште 95 тӱжем чоло дозо эм пурен. Йоча ден подростко-влаклан келшыше 40 тӱжем утла дозо уло.
Санитарный врач-влак шижтарат: ий еда эпидемий шарлымым тергыме почеш, иммунизаций черланымым палынак иземда да нелын черланымым шагалемдаш полша. Тидыже поснак йоча ден илалше, келгыш кайыше чер дене орланыше-влаклан пайдале.
А.АНДРЕЕВ.