УВЕР ЙОГЫН

Черле рывыж Юж-Сапарово ялыш толын

Медведево район Юж-Сапарово ялыште да тудын йыр орымо чер ваштареш карантиным увертарыме. 

Тидлан амалжат лийын. Ялыш кок рывыж толын лектын да койышышт дене орышо чер дене черланышыла койыныт. Сандене ялыште илыше-влак нуным лӱеныт. Республикысе ветеринарий комитетын специалистше-влакын шымлымышт почеш, черым чынжымак муыныт. Верысе ик енат, тыгак суртласе вольык янлык-влак дене чак тӱкнен огытыл, сандене чер шарлен огыл.

Марий Элым вуйлатышын указше почеш, орышо черлан шарлаш пуаш огыллан мероприятий-влакым палемдыме, тысе сурт вольыкым жаплан ужалаш, пырыс ден пийым ял деч ӧрдыжкӧ колташ, ир янлык-влакым кучаш чарыме. Тыгак чер лӱдыкшӧ Пижма ден Юж-Толешево яллан шарлен кертмым палемдыме. Кызыт тушто чер ваштареш кучедалме пашам шуктат.

А.АНДРЕЕВ.

Опубликовать в Одноклассники

Добавить комментарий