ТАЗАЛЫК

Черланыме чот эшеат огеш изем

Марий Элын Тазалыкым аралыме министерствыжын 16 июль эрдене увертарымыж почеш, пытартыш суткаште республикнан инфекционный стационарлаж гыч 73 еҥым мӧҥгӧ колтымо, тыгодымак 46 черлым эмлалташ пыштыме. Тыге, теҥгече эрдене регионын ковидный манме кандаш эмлымверыштыже чылажге 620 пациент киен, нунын коклаште – 9 йоча. Ты чот гыч 205 черлылан «COVID-19» диагнозым шындыме, 153 еҥ неле состоянийыште лийын, 8 пациент шодым искусственно вентилироватлыме йӧн дене шӱлен, 243 черлылан кислород кӱлын.
«Стопкоронавирус: статистика» сайтын данныйже почеш, 16 июльышто у коронавирус инфекций дене черланыме эше 29 у случайым регистрироватлыме, да тиде чот ынде 3409 марте шуын. Ик черле колен, чылажге – 31 еҥ.
М.ИВАНОВА

Опубликовать в Одноклассники

Добавить комментарий