УВЕР ЙОГЫН

У тӱҥ федеральный инспектор

Марий Эл Республикын Конгресс полатыштыже у тӱҥ федеральный инспектор  Петр Николаевич Журавлёв дене палдареныт.  Еш илышыж дене кылдалтше амаллан кӧра  ончычсо тӱҥ федеральный инспектор Александр Ситников Москвашке куснен. РФ Президентын Юл кундем федеральный округышто полномочный представительжын алмаштышыже Олег Мельниченкон  характеристикым пуымыж почеш, тудо  грамотный специалист да шокшо шӱм-чонан айдеме.

Марий Эл Республикым  Вуйлатышын пашажым жаплан шуктышо Александр Евстифеев ончыкыжыми республикым вияҥдышаш верч П.Журавлёв дене пырля сайын пашам ыштымыжлан ӱшанымыж нерген ойлен.

Петр Николаевич Журавлёв 1975 ий 15 августышто МАССР-ыште шочын. Марий кугыжаныш университетын экономический факультетшым тунем лектын. Икмыняр ий Марий Эл Республикын Образований да науко министерствыжын самырык-влак политике шотышто управленийжым вуйлатен, РФ Президентын ПФО-што полномочный представительжын аппаратыштыже миграций политике йодышлан  вуйын шоген. Кум икшывыже уло. РВСН-ыште служитлен.

Министрын сомылжым ӱшанен

Марий Эл Республикым  Вуйлатышын пашажым жаплан шуктышо Александр Евстифеев 22 июньысо Указше дене экономический вияҥмаш да торговльо министрын пашажым жаплан шукташ тидын марте министрын алмаштышыжлан тыршыше Наталья Горбуновам шогалтен.

Тудо Марий АССР Медведево район Краснооктябрьский посёлкышто шочын. Марий кугыжаныш технический университетыште «инженер-экономист», МОСИ-ште «юрист» специальностьлам налын. Коммерческий структурлаште, муниципальный учрежденийлашщте тыршен, Медведево район администраций вуйлатышын экономический вияҥмаш шотышто алмаштышыжлан  ыштен.

Е.Садовин.

Опубликовать в Одноклассники

Добавить комментарий