Кодшо кечылаште Йошкар-Олаште ала-могай ойыртемалтше светофорым шогалтеныт, маныт. Чынак мо? Чынак гын, тудым кушто вераҥденыт?
Р.Романова.
Йошкар-Ола мэрийын пресс-службыжын палдарымыж почеш, чынак, 14 сентябрьыште Йошкар-Оласе Эшкинин уремыште у светофор пашам ышташ тӱҥалын. Тудо – светодиодан да сенсорный кнопкан. Адакшым дизайнжат кызытсе жапын йодмашыжлан келшыше. Тыгайже але марте республикыштына лийын огыл.
Светофор-влакым рӱдолаште «Лӱдыкшыдымӧ ола» программе дене келшышын вашталташ тӱҥалыныт. Тиде паша ончыкыжымат шуйна.