Руш православный черке «Доброволец-2018» изи грант проект конкурсым увертарен.
Тудо черке, обшественность, предприниматель да кугыжаныш структур-влак коклаште партнёр семын кылым ыштен, поро пашам эртарен колташ виктаралтше проект-влакым илышыш шыҥдараш полшымо амал дене эртаралтеш. Конкурсышто участвоватлаш йодмашым 24 январь гыч 28 февраль марте http://newpravkonkurs.ru/ сайтыште пуаш лиеш. Сеҥыше-влак 15 мартыште пале лийыт. Проектым илышыш шыҥдарыме пашалан апрельыште пижман да октябрь марте мучашлыман.
Грант проектлан 120 тӱжем теҥге деч утла йодаш огеш лий. Но тиде оксамат проектым софинансирований йӧн дене илышыш шыҥдараш шонышо-влаклан гына ойырат. Конкурсыш коммерческий огыл организаций, образований, тӱвыра, социальный аралымаш сферысе кугыжаныш ден муниципальный учреждений, Руш православный черкын подразделенийже, редакций-влак ушнен кертыт.
Проектым возаш добровольческий пашам вияҥдыме дене кылдалтше тӱрлӧ направленийым ойырен налаш лиеш. Рашрак тидын нерген сайтыште ончыкталтын.
С.Носова.
