УВЕР ЙОГЫН

Мемнан сеҥымашна: Тӱнямбал таҥасымаш гыч – кок шийым

27-29 октябрьыште Сочиште панкратион дене тӱнямбал чемпионат ден первенствыште Марий Эл гыч спортсмен-влак вийыштым тергеныт. 

Тушто 22 эл гыч 500 участник таҥасен.

МарГУ-што тунемше Татьяна Парсаева (64 кг) ден Анастасия Богданова (50 кг, ончычсо тренерже В.Ведерников) шке тӱшкаштышт кокымшо верым налыныт.

– Удыр-влак кыртмен ямдылалтыт. Сандене результатыштат сай, – ойла тренерышт А.Шабердин. – Пытартыш жапыште ӱдыр-влакат кучедалмашын тӱрлє видышкыже кумылын ушнат. Тыгодым турнирлаште сай кӱкшыт дене ойыртемалтыт.

Палемдаш уто огыл: панкратион – единоборствын акрет годсо олимпийский видше. Кызыт тудым уэш виҥдаш, илышышке пурташ тӱҥалыныт.

Е.Эшкинина.

Опубликовать в Одноклассники

Добавить комментарий