Тӱкан шолдыра вольыкна 50 наре вуй уло. Лӱштышна тений сай лийын — ик вуйлан шотлымаште 20 литр наре. Кормам ситышын шапашлыме. Пырчым минерал ӱяҥдыш деч поснак лектышаным ончен куштымо, гектар еда 25 центнер дене погымо. Идалык сайын эртен. Марк эргыланна Киров оласе ялозанлык академийым тунем пытарашыже пел ий кодын. Тений кеҥежым «Семёновский» госплемзаводышто ветеринар семын практикым эртен. Шушаш ийын мартыште адак туштак лиеш. Вара дипломым арала да шкенан фермер озанлыкыштак ышташ тӱҥалеш.
Ончыкыжо ушкалым 100 вуй марте ешараш, тӱж тунам шӧр окса дене налаш шонена. Техникымат, автомашина ден кормораздатчикым, налнена. Пашам куштылемдыме шот дене вӱта гыч терысым лукташ транспортёрым ыштен шуктыман. Тошто вӱтам уэмден толына.
Пашачына-влакым, ял калыкым шушаш У ий дене саламлем. Ынышт черлане, таза лийышт – тунам пашанат ворана, илышнат уланрак лиеш. Самырык-влак паша деч ынышт лӱд, ялеш кодышт, кӱлешан сомыллан пижышт. Кугыжаныш фермер пашам тӱҥалшылан полша. Меат тыгай полыш денак йол ӱмбак шогалынна. Ӧрын ида шого, чолга лийза!
С.В. Иванова,
Кундыштӱр ял гыч фермер озанлык вуйлатыше
