Республикысе курчак театрыште пайрем шӱлышан У ий представлений-влакым ончыкташ тӱҥалыныт.
19 декабрьыште В.Сутеевын «Ёлка» йомакше негызеш шындыме «Снеговичок-почтовик» спектакльын премьерже лийын. Тудым ямдылаш «Культура малой Родины» федеральный проектын «Театры – детям» направленийже йӧным ыштен.
Спектакльым сценыш лукмаште Екатеринбург гыч режиссёр, Российын сулло артистше Евгений Сивко, сӱретче Юлия Селаври, композитор Кирилл Лихин тыршеныт. Видеохудожникын сомылжым Йошкар-Ола гыч Павел Попёнов шуктен.
А.БАЙКОВА