КУЛЬТУР ДА ИСКУССТВО ТЕАТР

«Нӧнчык патыр», «Салика»  — Озаҥыште ончыкталтыт

М.Шкетан лӱмеш Марий национальный драме театр Россий театр марафоныш ушнен.

Тыгайже Театр идалыклан пӧлеклалтын. Тудо январьыште Владивостокышто тӱҥалын да идалык мучаште Калининградыште иктешлалтеш. Марафоныш 85 регионысо чыла театрат ушнен.

Марий театр эстафетым К.Тинчурин лӱмеш Татар кугыжаныш драме да комедий театрлан пуа. Мемнан артист-влак 1 майыште татар сценыште марий йоча йомак негызеш шындыме «Нӧнчык патыр»  спектакль (11 шагатлан тӱҥалеш) ден татар драматург З.Хакимын пьесыж почеш шындыме «Ӱжында?» комедийым (17 шагатлан тӱҥалеш) ончыкта. А 2 майыште тусо калыклан 80 ий марий театрын визитный картычкыжлан шотлалтше «Салика» постановкым ончаш темла. Спектакль «Марий кундем» семӱзгар оркестрын шоктымыж почеш эрта.

Театрнан 100 ияш лӱмгечыж вашеш пошкудо республикыште илыше землякна-влак дене вашлияш пеш куанле, манеш М.Шкетан лӱмеш Марий национальный драме театрын коллективше.

А. БАЙКОВА.

Опубликовать в Одноклассники

Добавить комментарий