Рособрнадзорын увертарымыж почеш, 2022 гыч 2024 ий марте чыла предмет денат Иктешлыше кугыжаныш экзаменын модельышкыже вашталтышым пурташ палемденыт. Молан?
Специалист-влак ты пашан кӱлешлыкшым тыге умылтареныт: 2022 ий 1 сентябрь гыч у школ стандарт-шамыч илышыш пурталташ тӱҥалыт. Нунын дене келшышын, тунемше правилым да формулым гына палышаш огыл, тӱҥжӧ – нуным практикыште кучылтын моштышаш. Школ тудым улшо данныйым ойырен налаш, анализым да иктешлымашым ышташ, шонкалаш туныктышаш.
Г.КОЖЕВНИКОВА