Марий Эл Образований да науко министр Л.Ревуцкая Йошкар-Оласе строительный техникумышто лийын. Тушто кызыт регионысо инноваций структур – Марий Элыште писын профессионально ямдылыме рӱдер – чоҥалтеш.
Тудо ончыкыжым профессионал образований сферыштына универсальный навигатор, экономикын йодмашыжлан келшыше специалистым-влакым ямдылыше площадке-агрегатор лийшаш.
Министр чоҥалтше объектым ончен да паша совещанийым эртарен. Каласыман, тунемме верын производство мастерскойлаштыже кызыт «Кермычым оптымаш», «Сантехнике да отоплений» компетенцийла дене демонстраций экзамен-шамыч эртат.
Г.Кожевникова
Фотом Марий Эл Образований да науко министерстве гыч налме.
