Морко рӱдӧ клуб системе «Единый Россий» партийын федеральный проектше полшымо дене культур учрежденийлаште олмыктымо пашам шукта, материально-технический базе уэмда.
2020 ийыште партийын «Культура малой родины» проектше дене келшышын, Морко рӱдӧ клуб системыш федеральный бюджет гыч 1 609 550,05 теҥге пурен. Тиде шийвундо дене Кугу Шале, Шеҥше тӱвыра пӧртлаште йӱк оборудованийым налыныт, а вара окнам вашталташ тӱҥалыт. Кодшо оксаж дене кум гармоньым налшаш улыт.
Икманаш, проект полшымо дене икмыняр тӱвыра учрежденийым ачалаш да тусо усталык коллектив-влакын пашаштым вияҥдаш йӧным ышта.
А.БАЙКОВА
