Неле илыш ситуацийыш логалше, ты шотыштак тулык да ача-ава ончымо деч посна кодшо, инвалид, тазалыкыште экшык улман йоча-влак «Журавушка» рӱдерыште канат. Нуно 14 кече жапыште тӱҥалтыш школын предметше-влакым, руш йылме ден сылнымутым, математикым, технологийым тунемме дене пырля тазалыкыштымат тӱрлӧ йӧн дене пеҥгыдемдат.
Марий Эл Республикын Социальный вияҥмаш министерствыжын увертарымыж почеш, 2019 ийын икымше кварталыштыже «Журавушка» ийготыш шудымо-влакын социально-реабилитационный рӱдерыштышт 300 йочан тазалыкшым 17,1 млн. теҥгеш пеҥгыдемдаш палемдыме. Тиде окса республикын бюджетше гыч ойыралтеш.
М.ИВАНОВА.
