Марий кундемысе кӱшыл шинчымашым пуышо тӧнеж-влак вашке приёмный кампанийым тӱҥалыт.
Юл кундем кугыжаныш технологий университет школым тунем пытарыше-влаклан шке омсажым 17 июньышто почеш. Тидын дене Юлтех шке ВКонтакте лаштыкыштыже палдарен. Тыгак вуз 8 июньышто 18 шагатлан шке лаштыкыштыже вияш эфирым эртара. Тушто тунемаш пураш кӱлеш увер дене палдарат.
Марий кугыжаныш университет абитуриент-влакым 19 июнь гыч вашлияш ямдылалтеш. Рашрак тӧнежын социал тӱшкалаштыже але официал сайтыштыже (marsu.ru) лудса.
О.МОШКИНА
