Мыйын шотышто преступлений але административный правам пудыртмаш лийын, а полицийыште йодмашем налаш тореш улыт гын, мом ыштыман?
Н.Семёнова.
Медведево посёлко.
Йодышлан Медведево районысо прокурорын полышкалышыже С.Г.Захарова вашештен:
— «Полиций нерген» федеральный закон почеш, полицийыште преступлений, происшествий, административный правам пудыртымаш нерген увертарымашым, йодмашым налаш да регистрироватлышаш улыт. Йӱд ма кече, ты пашам Элкӧрго паша шотышто территориальный органын дежурный частьысе оперативный пашаеҥже-влак шуктат. Йодмашым регистрироватлымеке, тыланда талоным пуышаш улыт. Тудо кок ужаш гыч шога: талон-уведомлений да талон-корешок. Кок ужашыштыжат ик регистрационный номер ончыкталтшаш. Йодмашым пуышо тиде документым кунам налме нерген шке кидпалыжым шындышаш.
Полиций пашаен тыгай йодмашым налаш тореш лиеш гын, гражданин прокуратурыш але кӱшнырак шогышо элкӧрго паша шотышто вес органыш вуйым шийын кертеш.
Йодмашым налаш тореш лиймым умылымеке, йодмашым пуышо элкӧргӧ паша шотышто кӱшнырак шогышо органын дежурный частьшын телефон номержым рашемден, полиций пӧлкан йодмашым налме правилым пудыртымыж нерген вигак шижтарен кертеш.
С.Носова.
