СОЦИАЛ ИЛЫШ

Тичмаш огыл паша жап нерген

Законышко – вашталтышым

Тичмаш огыл паша жап нерген

РФ Президент Владимир Путин «Россий Федерацийын Паша кодексышкыже вашталтышым пуртымо нерген» федеральный законыш кидпалышым пыштен.

Тиде законым Кугыжаныш Думо 7 июньышто приниматлен, Федераций Совет 14 июньышто сайлан шотлен. Вашталтышым Кодексын 93-шо, 101-ше да 108-ше статьялаштыже ыштыме. Тушто тичмаш огыл паша жап ден канышлан ойырымо жапым палемдыме порядкым рашемдыме.

Тылеч посна эше ик правилым палемдыме, тудлан келшышын, тичмаш огыл паша жап, нормироватлыме огыл паша кече условий дене паша ойпидыш почеш тичмаш паша кечан (сменан) тичмаш огыл паша арням палемдыме гын веле пашам ышташ лиеш.

152-шо да 153-шо статьялаште каныш да пашам ыштыдыме пайрем кечылаште паша жап нормо деч шуко пашам ыштымылан ешарен тӱлымӧ порядкым рашемдыме.

М.ИВАНОВА.

Опубликовать в Одноклассники

Добавить комментарий