Звенигово оласе «Жемчужина» СОК-ын «Акпарс — У вий» командыже (вуйлатышыже А.Щербаков) Чебоксар олашке каратэ дене таҥасымашке миен.
Ката да кумитэ дене шке вийыштым тыгак Чуваший ден Татарстан гыч спортсмен-влак тергеныт.
Звенигово район гыч ӱдыр-рвезе-влак кокымшо ден кумшо верыш лектыныт, кок ший да ик той медальым сеҥен налыныт.
Каташте кокымшо вер да ший медаль дене «Жемчужина» спорт да тазалыкым пеҥгыдемдыме комплексын тренер-преподавательже, командын вуйлатышыже А.Щербаков палемдалтын. Тыгак тиде видыштак ший медальым тудын тунемшыже – Звенигово ола гыч 7 ияш Лада Плахова – сеҥен налын. Кумшо верыш Волжский районысо Памар гыч 10 ияш Илья Иванов лектын. Тудлан той медальым кучыктеныт.
Л.Камалетдинова.
