Марий Эл гыч кок социальный пашаеҥ Россий Федераций Федеральный Погынымашын Федераций Советшын председательже Валентина Матвиенкон эртарыме селасе социальный сфер труженик-влак дене вашлиймашкыже миеныт.
Марий Элын делегацийыштыже Звенигово районышто Калыкым социально обслуживатлыме комплексный рӱдер гыч Нурзия Матюшенко да Медеведево районысо тыгаяк тӧнеж гыч Людмила Ожиганова лийыныт. Коктынат калыкым социально аралыме системыште 20 ий утла тыршат.
Тиде вашлиймашыште участник-шамыч резолюцийым луктыныт. Тушто палемдыме: Российысе чыла ялыште кызытсе жаплан келшыше социальный инфраструктурым вияҥдаш чыла негыз уло, да тиде кугыжаныш политикын ик эн тӱҥ корныжо семын лийшаш.
Мероприятийыште Россий Федерацийын 67 субъектше гыч ялысе туныктышо, социальный, тӱвыра, здравоохранений пашаеҥ-влак лийыныт. Вашлиймаш кышкарыштак ялысе социальный сферыште тыршыше эн сай вуйлатыше ден специалист-влакым саламлыме.
Марий Эл Республик гыч мийыше делегат-влак дене Федераций Советыш Марий Эл Республик кугыжаныш кучемын исполнительный органже деч представитель, Федераций Советыште Калык кокласе паша шотышто комитетын председательже Дмитрий Косачев вашлийын.
М.ИВАНОВА.
