Йошкар-Ола мэрын пашажым жаплан шуктышо Антон Трудинов СВО-н ветеранже, «Герои Марий Эл. Талешке-влак» кадр программын участникше Илья Харькин дене вашлийын.
Программе почеш тунеммаш мучашке лишемеш, ынде участник-влаклан диплом проект-влакым аралыман.
Вашлиймаште олам тӱзатымаште общественный тергыме системым ыштыме дене кылдалтше проектым каҥашеныт. Илья Харькин, рӱдола администрацийыште практикым эртымыж годым муниципальный тергыме системым келгын шымлен да тудым вияҥдыме икмыняр темлымашым пуэн.
Антон Трудинов ден Илья Харькин диплом пашам ончал лектыныт да тудым аралыме деч ончыч икмыняр вашталтышым пуртеныт.
