КУЛЬТУР ДА ИСКУССТВО ЭСТРАДЕ

Семӱзгарым шоктеныт, муреныт

29 июньышто Медведево районысо тӱвыра да каныме рӱдерыште Самырык-влакын этногруппо, вокал да семӱзгар ансамбль-шамычын II фестивальышт эртен.

Тушко Медведево, У Торъял, Советский районла, тыгак Йошкар-Ола да Казань гыч музыкант-влак ушненыт. Сценыште чылаже кандаш группо мастарлыкым ончыктен. Нуным жюри аклен.

Рок-группо-влак коклаште икымше степенян лауреат лӱм дене Йошкар-Ола гыч «Легион» (вуйлатышыже — Д.Жилов), кокымшо дене «Время пришло» (Медведево район, вуйлатышыже — А.Лебедев), «Друзья» (Йошкар-Ола, вуйлатышыже А.Коршунов), а кумшо дене «AORband» (Йошкар-Ола, вуйлатышыже — И.Александров) группо-влак палемдалтыныт.

А «Вокал да семӱзгар ансамбль-влак» номинацийыште икымше степенян лауреат лӱмым «Инеш» (Казань, Вуйлатышыже  — Ж.Гильманов), кумшым «Советский Союз» (Советский район, вуйлатышыже  — А.Кузнецов) налыныт. 

А.Байкова

Фотом Республикысе калык усталык да тӱвыра ден каныме паша шотышто шанче-методике рӱдерын сайтше гыч налме  

Опубликовать в Одноклассники

Добавить комментарий