УВЕР ЙОГЫН

Селаште – сай вашталтыш

Шернур районысо Казанский ял шотан илем администрацийым Ольга Логинова кокымшо ий веле вуйлата. Кок кӱшыл шинчымашан, экономист да юрист специальностян самырык ӱдырамаш кундемым тӱзаташ полшышо чыла программыште чолган участвоватла.

 Тений «Ола кумдыкым кызытсе жаплан келшышын тӱзатымаш» программе почеш селаште Кооперативный, Коммунальный да Комсомольский уремлаште 550 квадрат метр тротуарым олмыктеныт. Кызыт нине уремлаште ролик,самокат, йоча коляске дене кошташ палынак каньыле лийын. Тылеч посна ныл кудывечым шотыш конденыт. Тӱвыра да каныме пӧрт йырысе кумдыкымат кӱлынак тӱзатеныт, йоҥгыдо верыште йоча площадкым келыштареныт. Сеҥымашлан 75 ий темме вашеш Кугу Отечественный сарыште вуйым пыштыше-влакым шарныме лӱмеш стелым чоҥаш тӱҥалыныт, тудым 2020 ий май йотке мучашлаш палемденыт.  

М.ИВАНОВА

Опубликовать в Одноклассники

Добавить комментарий