Звенигово район гыч Д.Фёдоров биатлон дене Российын первенствыштыже вийжым терген. Тыгайже Марий Элысе спортышто 2010 ий гыч лийын огыл.
Таҥасымаш Смоленск областьыште 2004-2005 ийлаште шочшо ӱдыр-рвезе-влак коклаште эртен. Дмитрий – Юл кундем федерал округын ший призёржо. 15 ияш биатлонистын тренерже – Олег Рыбаков. Тиде первенствыште рвезе кок таҥасымаште вийжым терген. Иктыштыже, 8 йоҥылышым ыштен (4 рубеж), 57-ше верыш лектын гын, спринтыште 11-ше лийын.
– Российын первенствыже «Снежный снайпер» маналтын. Дмитрий эше ик кечын смешанный эстафетыште Киров областьын чапшым арален. Нылымше этапыште ик йоҥылыш деч посна лўйылтын, писылыкше дене ойыртемалтын. Тылеч ончыч Юл кундем таҥасымаште сай результатым ончыктен. Тӱҥалтышлан тудын тыршымыжым, результатшым сай велым гына палемдыман.
Кандаш ий ончыч Звенигово район гычак Татьяна Белкина Россий кўкшытыштє выступатлен, спорт мастер нормативым шуктен. Тылеч вара биатлон дене тыгай кўкшытыш шумо огыл. Пытартыш ийлаште Марий Элыште ты видлан уэш кугу тӱткышым ойыраш тўҥалыныт. Куандара: шукерте огыл Россий биатлон федераций республиклан ныл чапле винтовкым пєлеклен. Тиде, мутат уке, моткоч сай шӱкалтыш. Йоча-влак кумылын ямдылалтыт. Сандене кӱкшыт куандарыше лиеш, шонем, – ойла регионышто биатлонлан вуйын шогышо тренер Юрий Уманец.
Е.Эшкинина.
