Еҥ-влакым аварийный пӧрт гыч вес вере илаш кусарыме годым тиде илыме условийым саемдымылан шотлалтеш мо?
А.Федорова
Йошкар-Ола
Йодышлан Медведево районысо прокурорын полышкалышыже С.Захарова вашештен:
— РФ-н Жилищный кодексше дене келшышын, социальный найм ойпидыш почеш айлыме пӧлем рончен кораҥдаш палемдыме пӧртыштӧ верланен гын, кугыжаныш але верысе кучемын органже-влакын пунчалышт почеш, тушто илыше-влаклан тыгак социальный найм ойпидыш почеш сайрак илыме верым ойырышаш улыт.
Жилищный кодекс почеш, вес илыме верже ты населенный пунктыштак лийшаш да ты илемлан келшышын благоустроенныйлан шотлалтшаш, да ончычсо пӧлемын кумдыкшо гаяк, тыгак палемдыме йодмашлан келшен толшо лийшаш.
Сандене аварийный пӧрт гыч вес пӧлемыш граждан-влакым кусарымаш илыме условийым саемдымылан ок шотлалт. Тиде илен лекташ йӧным пуышо компенсаций сынан ошкыл гына.
С.НОСОВА