Автомашинам инвалидын виктарымыжым палдарыше палым закондымын вераҥдыме гын, мутым кучаш шогалтат мо?
И.Андреев.
Йодышлан Йошкар-Ола прокурорын алмаштыштыже Ильдус Алимов вашештен:
— РФ Административный правам пудыртымаш кодексын 12.5 статьяжын 4.1 ужашыштыже ончыктымо почеш, виктарыме транспортыш легковой таксим палдарыше фонарым але «Инвалид» палдарыше палым закондымын вераҥдыме гын, водительлан административный штрафым тӱлаш пуэн кертыт. Тудын кугытшо 5000 теҥгеш шуэш. Тыгак административный правам пудыртымо дене кылдалтше арверымат поген налыт.
С.Носова ямдылен.
