«Илыме вер да ола кумдык» нацпроектын «Оласе йырвелым йӧнаным ыштымаш» федерал проектше почеш 2020 ийыште тӱзатышаш объект-влак верч электрон йӱклымаш шотышто лекше йодыш-влакым рашемдаш Россий Минстрой шокшо линийым почын.
19 апрель гыч 30 май марте Российын кеч-могай лукшо гыч кажне еҥ 8 (800) 600-20-13 единый номер дене яра йыҥгыртен кертеш. Марий Элыштат тыгай шокшо линий дене пайдаланаш лиеш.
Шокшо линий 12.gorodsreda.ru. платформышто йӱклымаш тӱҥалме деч ик арня ончыч пашам ышташ тӱҥалын. Олалаште илыше-влаклан платформын пашаже, рейтинг йӱклымаш, шочмо верыштым тӱзатымашке могай надырым пыштен кертмышт нерген умылтарат. Йӱклымаш шуйнымо жапыште волонтёр-влакат консультацийым пуат. Нуно «Оласе йырвелым йӧнаным ыштымаш» федерал проект нерген каласкалат, тыгак верлаште еҥ-влаклан телефон номерышт почеш йӱклаш полшат. Всероссийский йӱклымаш Россий мучко 26 апрель гыч 30 май марте эртаралтеш, 14 ияш деч кугурак ийготан-влак йӱклен кертыт.
Л.СЕМЕНОВА
