УВЕР ЙОГЫН

Россий кӱкшыт гыч: Калык шагалемеш

Россий Федерацийын Тазалыкым аралыме министерствыже регионлаште калык ешаралтме да иземме сӱретым шымлен. Тичмаш налмаште Российыште ситуаций начаржак огыл: ӱмаште калык 2016 ий деч 4 процентлан шагалрак колен. 

Российын 79 регионыштыжо айдеме чотын иземмыжым рашемдыме. Нунын коклашке Марий Элнат 6,1 показатель дене логалын. Калмыкий Республикыште, Псков, Новгород да Тверь областьлаште сӱрет палынак начар. Медик-шамыч айдеме чот иземме ик эн тӱҥ амаллан арака ден тамакам шотлат.

А теве Ингушетий, Чечня, Тыва, Чукотка республиклаште, Ямало-Ненецкий округышто, Еврей да Сахалин областьлаште илыш колымашым сеҥен.   

Кызыт чиновник-шамыч радио денат, телевизор денат «илыш тӧрлана» маныт. Молан? Эксперт-влак тидым черым тӱҥалтыш йыжыҥыште диагностироватлыме, илышын качествыжым саемдыме дене умылтарат. Мутлан, Кавказ кужу ӱмыран калыкше дене ожнысек чаплана гын, моло регионышто медицине полышым пуымо системын вияҥмыже кугу верым налеш.

М.ИВАНОВА.  

Опубликовать в Одноклассники

Добавить комментарий