2-3 ноябрьыште республикнан рӱдолаштыже тыгай лӱман патротизм шӱлышан фестиваль-конкурс лиеш. Тудым Йошкар-Оласе Россий Армий культур полат эртара.
Тений конкурс Кугу Отечественный сарыште сеҥымылан 75 ий теммылан да республикын 100 ияш лӱмгечыжлан пӧлеклалтеш.
Фестиваль-конкурс регион да калык-влак кокласе кылым саемдаш, личностьым патриотизм шӱлышеш шуарен кушташ полша.
Конкурсыш мураш, художественный произведенийым сылнын лудаш йӧратыше-влак ушнен кертыт. Нунын мастарлыкыштым жюри акла. Жюриште Россий да Марий Эл искусствышто чапланыше деятель, сулло артист-влак лийыт.
Конкурсыш йодмашым 20 октябрь марте колташ лиеш. Тичмаш уверым тыгай сайтыште ончыман: www.dkra12.ru
А.БАЙКОВА