УВЕР ЙОГЫН

Роспотребнадзор увертара: Шояк шӧрым ужалат

Роспотребнадзорын Марий Элысе виктемже шояк шӧрым ужалыме нерген увертара. 

Тергыме годым рашемын: ультрапастеризоватлыме шӧрым ужалыше «Континент» ООО (юридический адресше – Москва, производствын адресше – Ульяновск) келшен толдымо адрес дене верлана, налог орган-влакын данныйышт почеш, фирме шӧр продукцийым огеш ямдыле. Эскерыше органын пашаеҥже-шамыч иктешлымашым ыштеныт: тыгай предприятий уке, сандене тудын шӧр продукцийжат шояклан шотлалтеш.

Кокытеланымашым вес производителят луктын, тиде – Пермь ола гыч «Октябрьский шӧр комбинат» ООО.  Шӱшмӱй упаковкышто ончыктымо адрес дене нимогай фирме уке, тугеже сатуат – шояк. Налог инспекцийын данныйже почеш, предприятий эше кок ий ончычак пашам ыштымым чарнен.

Нине факт шотышто материалым правам аралыше органлашке колтымо, увертара Роспотребнадзорын Марий Элысе виктемжын пресс-службыжо.

М.ИВАНОВА.

Опубликовать в Одноклассники

Добавить комментарий