УВЕР ЙОГЫН

Школлан – чапле пӧлек

21 декабрьыште  республикысе икмыняр школ директорлан у автобус деч сравочым кучыктеныт. Ынде 11 район гыч тӱжемат пеле икшыве тунемме верышт марте  нелылык деч посна кудалыштын кертыт, увертара Марий Эл вуйлатышын организаций да аналитике виктемже.

Шукыштлан  у транспорт У ийлан чапле пӧлек семын лийын. Автобуслан оксам федеральный бюджет гыч ойыреныт (40 машиналан 76 миллион утла теҥгем). Тыге Волжский, Курыкмарий, Кужэҥер, Марий Турек, Медведево, Морко, У Торъял, Оршанке, Шернур, Советский, Юрино районласе, Йошкар-Оласе школлашке (чылаже 38 тунемме вер) икшыве-шамычым у автобус дене шупшыкташ тӱҥалыт. 

Республиклан  иканаште 40 школ автобусым нигунамат ойырен огытыл, тидлан кугу таум федеральный кучемлан каласыман, рашемден Марий Эл вуйлатыше А.Евстифеев.

Республик вуйлатышын палемдымыж почеш, тиде полышым пуымылан кӧра  10 ий деч шукырак кудалыштше автобусым вашталтыме мероприятий тичмашнек шукталтеш. Тылеч посна кок у школ маршрутым почаш шонат. Тыге Марий Элын автопаркше  ПАЗ ( 33) ден «Форд» (7)  маркан   автобус-влак  дене пойдаралтын.

Ме икшывым занятийыш да занятий деч вара мӧҥгышт гына огыл шупшыктышаш  улына.  Районлаште илыше икшыве-шамыч районысо, республикысе олимпиадылаште, спорт таҥасымашлаште, концертлаште вийыштым терген, усталыкыштым ончыктен кертышт манын, йӧным ыштыман.

Элнан Президентше Владимир Путин  шке пашаштыже образованийым ик эн кӱлешан направлений семын онча. «Образований» проект национальный проектла коклаште  ик эн ончыл верым налеш. Марий Элын кучемже Образований да науко министерстве дене пырля  образованийыште материальный базым семдаш ден кспециалист-влакым ситараш манын, тӱрлӧ мероприятийым эртара.  Санденак 2024 ий марте  ыштышаш паша дене кылдалтше проект ден смете  документацийым ямдылен шуктыман, каласен республик вуйлатыше.

Александр Евстифеев  школ автобусым лектын да транспорт средства-влакын  йоча-влакым шупшыкташ келшен толмым палемден.

Л.ШАБДАРОВА.

 

Опубликовать в Одноклассники

Добавить комментарий