Социальный шымлымаш-влакын эксперт институтышт у коронавирус инфекций шарлыме ваштареш шогымо шотышто регионласе мере-шамычын 4-5 майысе мониторингыштышт Марий Элымат палемден.
«Тазалыкым аралыме системын пашажым вияҥдыме мере-влак» разделын шымше пунктыштыжо Марий кугыжаныш университетын пневмонийым рашемдаш полшышо цифровой медицине шотышто проектшым моло регионлан пример семын ончыктен. Тиде проект рентген снимкылаште ситыдымашым мумашке да черым жапыштыже диагностироватлымашке виктаралтын.
М.ИВАНОВА