УВЕР ЙОГЫН

Ушкалым ужалышыла, окса деч посна кодын

Тыгай туткар Килемар поселкышто илыше ӱдырамаш дене лийын. Тудо, ушкалжым ужалаш тарванымекше, 40 тӱжем теҥге оксаж деч посна кодын.

Тидын нерген полицийыш ондалалтше 43 ияш еҥ шкеже увертарен. Интернетыште ик сайтыш тудо вольыкым ужалымыж нерген уверым вераҥден. Икмыняр жап гыч тудлан палыдыме ӱдырамаш йыҥгыртен да ушкалжым налаш келшымыж нерген каласен. Оксам ужалышын банк картышкыже колташ сӧрен. Тунам ӱдырамаш, оксам карт гыч вигак налаш  манын, эргыжым банкоматыш колтен. Но, йыҥгыртыше еҥын банкоматыште мом ышташ каласымыжым шуктымеке, сӧрымӧ оксам налме олмеш, шийвундо деч посна кодыныт – икмыняр жап гыч ӱдырамашын телефонышкыжо счетшо гыч 40000 теҥгем налме нерген увер миен.

Л.Камалетдинова.

Опубликовать в Одноклассники

Добавить комментарий