УВЕР ЙОГЫН

Программым шуктышылан – кугыжаныш полыш

Марий Элым вуйлатыше Александр Евстифеев 5 мартыште Всероссийский селектор совещанийыште участвоватлен. Тудыжым Россий Федераций правительстве председательын алмаштышыже Дмитрий Козак эртарен.

Мутланымаш видеоконференций йӧн дене эртен, тушто конкуренцийым чытен кертме йєным кугемден толмо корпоративный программым шуктен шогышо организаций-влаклан полышым пуымо йодышым каҥашыме.

Правительствын вице-премьерже совещанийым почмо годым тыге каласен: каҥашыме теме Российын экономикыжым вияҥдыме, национальный проект-влакым шуктымо да тӱнямбал коопераций пашаште ик эн кӱлешан йодышлан шотлалтеш.

Ты проектын задачыже – экономикын сырьевой огыл секторжо-влакын конкуренцийым чытен кертме йӧныштым кугемдымаш. Российын промышленностьшо ден ялозанлыкше эл кӧргыштӧ веле огыл, тыгак тудын деч ӧрдыжсӧ рынкыштат тӱнямбалсе гай чапле качестван сатум ыштен лукшаш да тудым шергырак ак дене ужалаш йӧным ыштышаш улыт, палемден Дмитрий Козак.

Вице-премьер умбакыже тыгерак каласен: 5 ий жапыште тиде задачым шукташ федеральный бюджет гыч промышленный экспортлан гына 422 миллиард теҥге колталтеш, а конкуренцийы чытен кертме йӧным кугемдыме корпоративный программе-влакым шукташ 361 миллиард теҥге ойыралтеш. Полыш ыштен лукмо сатум вес эллашке ужалымашке виктаралтше кӱкшӧ технологиян производствым ыштыме, тыгак экспортный кредитым финансироватлыме шотышто инвестиционный программылам шуктышашлан налме коммерческий кредит шумлык процент ставкым субсидироватлыме йӧн дене пуалташ тӱҥалеш, ешарен вице-премьер.

Марий Элыште федеральный проектын кышкарыштыже «Промышленный экспорт» региональный проект шукталтшаш. Кызытсе жаплан тудын паспортшым пеҥгыдемдыме. Тушто кок тӱҥ цельым палемдыме. Тиде – обрабатыватлыше производствын продукцийжым вес эл-влаклан ужалыме кугытым ешарымаш да экспортёр улшо предприятий-влакым конкуренцийым чытен кертме йєным кугемдыме корпоративный программылашке ушымаш.

Марий Эл Минэкономразвитийын данныйже почеш, республикын экспортёр улшо промышленный предприятийже-влакын переченьыштым рашемден палемдыме. «Промышленный экспорт» региональный проектым финансироватлаш палемдыме кугыт 2019-2024 ийлаште 728 миллион теҥгеш шуэш.

 

Марий Эл Республикым Вуйлатышын организаций да аналитике виктемжын уверже негызеш П.Шакиров ямдылен.

Опубликовать в Одноклассники

Добавить комментарий