«Мы вместе» всероссийский акцийын «Кочкыш йӧрвар полыш» проектышкыже У Торъял районысо администрацийын, калыклан социальный полышым пуышо комплексный рӱдерын пашаеҥже да волонтёр-влакат ушненыт.
Нуно 65 ияш деч кугурак да илен лекташ кӱлшӧ эн изи 1,5 кугыт деч шагал парышан еҥ-влаклан кочкыш йӧрварым намиен пуэденыт. У Торъял районышто чылаже 608 тыгай пенсионер лийын. Палемдыме семынак, июнь мучаш марте нунылан кажныжлан кочкыш йӧрвар наборым кучыктен шуктеныт.
Л.КАМАЛЕТДИНОВА
