Пашам ыштыше гражданин диспансеризацийым эртымыж годым тичмаш ик паша кече деч утаралтын кертеш, тыгодым тудын пашадарже аралалтын кодеш.
Тыгай законым Кугыжаныш Думо 18 июльышто эртыше пленарный заседанийжын икымше лудмашыштыже пеҥгыдемден.
«Чаманен палемдыман, пашам ыштыше-влак медосмотрым чылаж годымак тичмашын эртен огыт кертыт, адакше тидлан паша гыч икмыняр шагатлан йодын кайыман але закон почеш канаш пуымо кечым кучылтман. Тидлан кӧра шуко пашаеҥ, эмлыме-профилактикым эртарыме тӧнежын каен, диспансеризацийым эрташ кумылан огыл», – законым пеҥгыдемдыме амалым умылтара Кугыжаныш Думын депутатше Светлана Солнцева.
М.ИВАНОВА.
