Теҥгече Марий Эл вуйлатыше Александр Евстифеев всероссийский селекторный совещанийын пашашкыже ушнен. Тудым РФ правительстве председательын алмаштышыже Марат Хуснуллин видеоконференций йӧн дене эртарен.
Тушто регионлаште «Стимул» программе ден «Илыме вер да оласе кумдык» национальный проектым илышыш пуртымо нерген мутланеныт.
Российын вице-премьержын палемдымыж почеш, элын президентшын да РФ правительствын тоштемше илыме верла гыч еҥ-влакым палемдыме деч ончыч вес верыш кусарышаш шотышто кӱштымашыштым шуктышашлан 2022 ийысе лимит кӱшеш ешартыш лимит вес ийын ойыралтме нерген кӱштымашым подписатлыме.
Марат Хуснуллин корным чоҥымо пашаланат окса кугытым ешарыме нерген ойлен.
Марий Элыште «Илыме вер да оласе кумдык» ден «Лӱдыкшыдымӧ да сай качестван автомобиль корно» нацпроект-влак палемдыме графикым ончылтен шукталтыт. Тыгай задачымак Александр Евстифеев отраслевой министерстве-влаклан шынден. 2020 ийыште ыштен шуктышаш корно объект-влак шотышто пашам сентябрьын пытартыш кечылаштыже мучашлышаш улыт. Тыге тений 143 км. автомобиль корным нормативный йодмаш-влак дене келшышын шотыш кондат.
«Стимул» программым илышыш шыҥдарыме дене келшышын, тений Апшаклак ял кумдыкышто автомобиль корным чоҥымо паша умбакыже шуйна. Тидлан республиклан РФ правительствын резерв фондшо гыч 84 млн. теҥгем ойыраш палемдалтеш. Тыгак тений Россий Минстройыш «Илыме вер» федеральный проект дене келшышын 2021-2024 ийлаште софинансирований йӧн дене 17 социально-кӱлешан объектлам чоҥаш 6,5 млрд. теҥгелан йодмашым колтымо.
Селекторный совещанийыште регион-влакын изи олалаште да исторический илемлаште йӧнан ола кумдыкым ыштыме всероссийский конкурсыш ушнымышт нерген мутланеныт. РФ правительстве председательын алмаштышыже палдарен: 300 утла йодмаш пурен, тышеч конкурсыш 298 ушна.
Марий Эл вуйлатышын организаций да
аналитике виктемжын уверже негызеш
Л.КАМАЛЕТДИНОВА ямдылен.
