Шукерте огыл Йошкар-Олаште «Марий Эл: действуем вместе!» республик кӱкшытан тӱшка иниацитивылан полышым пуымо II форум эртен. Тушто Звенигово район гыч А.Щербаков «Кудывечысе тренер» проектше дене палдарен.
Верлаште спорт энтузиаст-влакын пашашт, тыгак Поянсолаште «У вий» военно-патриотический клуб нерген каласкален. Тыште самырык тукымым 20 ий физический культур да военно-патриотический воспитаний шӱлышеш туныктат.
Пашажым эксперт комиссий сайлан шотлен да тыгай социальный проектым илышыш шыҥдарымылан «Акпарс-У вий» клубын вуйлатышыже А.Щербаковлан Марий Эл вуйлатышын тауштыме серышым кучыктен.
Е.Эшкинина
