РФ Следствий управленийын Марий Элысе Следствий комитетшын пашаеҥже-влак Марий Турек районысо Косолоп школ-интернатын спортзалжым ачалаш полшеныт, палдара ведомствын пресс-службыжо.
Коронавирус шарлымылан кӧра следователь-шамыч тиде учрежденийын воспитанникше-шамычым Йочам аралыме тӱнямбал кече дене тений моло ийласе семын саламлен кертын огытыл. Туге гынат нуно вес йӧным муыныт: Следствий комитет пашаеҥ-влак верысе спортзалым уэмдаш шке оксашт дене чиям налын пуэныт. Тидлан школ-интернатын администрацийже да педагог-шамыч кугу таум ойленыт. А ачалыме да уэмдыме спортзаллан йоча-шамычше ынде кузе чот куанат?!
Л.КАМЕЛЕТДИНОВА
