УВЕР ЙОГЫН

Мемнан еҥна – ончыл верыште

Вӱрым налме республиканский станцийын клинике-диагностике лабораторийжым вуйлатыше Л.Федорова Вӱрым да тудын компонентшым шке кумылын пуымо пашам вияҥдыме кугыжаныш программе кышкарыште эртыше Всероссийский профессиональный мастарлык конкурсын «Вӱр службын эн сай врачше» номинацийыштыже икымше верыш лектын.

Тиде конкурсым Российын Федеральный медико-биологический агентствыже вӱр службо тӧнежлаште ончыл опытым ончыктышо эн сай практик-влакым рашемдыме шонымаш дене эртара.

 Людмила Ивановналан наградым тений 6 декабрьыште Калининградыште эртаралтше Вӱр службын XII всероссийский форумыштыжо кучыктат.

 Марий Эл здравоохраненийын сулло пашаеҥже Л.Федорова Вӱрым налме республиканский станцийыште 2002 ий гыч пашам ышта, 2008 ий гыч клинике-диагностике лабораторийым вуйлата. Тудын тыршымыж дене лабораторийын пашажым кызытсе жаплан келшышым ыштыме, шуко сай показательым ончыкташ тӱҥалме.

М.ИВАНОВА

Опубликовать в Одноклассники

Добавить комментарий