УВЕР ЙОГЫН

Ондалалтше гаражыште ила

Йошкар-Олаште илыше ӱдырамаш кредитым налын да оксажым пай дене пӧртым чоҥымашке пыштен. Чоҥышо организаций пӧртым эше кодшо ийыштак шуктышаш ыле, но пачерлан сравочым пуымо жап эре шӱкалалтын. А вара стройкышто паша йӧршеш тӱпланен. Ынде оксаже илаш веле огыл, еҥ пачерыш пурен илашат ок сите. 

«Пӧрт чоҥышо организацийыш кодшо ий сентябрьыште миенам ыле. Тунам паша чыла вере каен, строитель-влакат шукын лийыныт. Тидым ужын, пачерым налаш шонен пыштышым, — манеш ойгыш логалше ӱдырамаш. – Но изиш варарак паша чыгыныш, пачер деч сравочым декабрьыште веле пуаш сӧрышт. Тыге мый гаражыш илаш куснышым, сравочым ныл тылзе вучышым – арам. Кызытат, ынде талукат эртен, вучем».

Палаткыште ила да мала, кочкышым изи электроплиткыште ямдыла.  Телым поснак нелын эртара. Шокшым пуышо прибор йӧштӧ деч ок утаре. Пашадарын кугурак ужашыже кредитлан тӱлаш кая.

Тачысе кечылан пай дене чоҥышо ондалалтше-влак 200 наре еҥ улыт. Пачерым налаш ӱшан кажне кечын йомеш, чоҥымо паша тарваталтде шога.

А.АНДРЕЕВ

Опубликовать в Одноклассники

Добавить комментарий