СПОРТ УВЕР ЙОГЫН

Омсажым почаш ямде

Волжский район Приволжский посёлкышто ФОК-ым чоҥен шуктеныт. Ты объект омсам почаш ямде. Тидын нерген эртыше кечылаште Марий Элым вуйлатыше А.Евстифеевлан молодёжный политике, спорт да туризм министрже Л.Батюкова, чоҥымо паша, архитектур да илыме вер ден коммунал озанлык министр М.Степанов увертареныт.

А.Евстифеев Волжский район Приволжский посёлкысо у ФОК-ым ончен лектын да, 2012 ийыштак чоҥаш тӱҥалме, тачысе саманлан келшен толшо спорт сооружений тӱрлӧ ийготан еҥлан келшен толшо лиеш манын.

– Тыгай спорт объект республикыште шагал. Кызыт у нормативный базым келыштарыман да квалифицированный кадрым чумырыман. Эн ончыч вуйлатыше, тӱҥ инженер кӱлыт. Спорт сооруженийым обслуживатлаш технически грамотный, опытан, келге шинчымашан еҥ-влак деч посна ок лий. Адакшым моло организаций денат ойпидышым ыштыман, вет вӱдат, шокшат, электротулат да тулеч молат кӱлыт. Тыгак эше спорт оборудованийымат налман, – ойлен А.Евстифеев. – «Газпром» ПАО-н вуйлатышыжлан, газовик-влаклан тау. Нунын полышышт деч посна ты объектым чоҥен шукташ ок лий ыле. Приволжскийыште да Волжский районышто илыше калыклан тиде спорт объект келша, тазалыкым пеҥгыдемдашышт, каныш жапым пайдалын эртарашышт сай лиеш, шонем.

У спорткомплекс воктене, ты посёлкыштак, хоккей коробкам келыштарышаш улыт. Марий Эл вуйлатышын палемдымыж почеш, ФОК ден хоккей коробко кӱлешан спорт инфраструктур лийыт.

Тыге верысе калыклан идалыкын тӱрлӧ жапыштыже спорт дене пеҥгыде кылым кучаш йӧн лиеш.

Марий Эл Республик вуйлатышын организаций да

аналитике виктемын уверже негызеш

Е.ЭШКИНИНА ямдылен

Демографий» национальный проект кышкарыште

«Спорт – норма жизни» федерал проектым

илышыш шыҥдарыме амал дене

Опубликовать в Одноклассники

Добавить комментарий