УВЕР ЙОГЫН

Тӱҥжӧ — арален кодыман

16 июньышто Национальный антитеррористический комитет вуйлатыше, Россий ФСБ директор Александр Бортниковын эртарымыж почеш НАК-ын заседанийже лийын.

Тушко регионысо антитеррористический комиссийым вуйлатыше, Марий Эл вуйлатыше Александр Евстифеев ушнен.

Видеоконференций йӧн дене эртыше заседанийыште Юл кундем федеральный округышто терроризм профилактике дене кылдалтше йодышлам каҥашеныт, тыгак тиде пашам саемдышашлан мом ышташ лийме нерген мутланеныт.

Россий ФСБ директор палемден: 2017 ий гыч округысо регионлаште ик террористический актат лийын огыл. Тидын годымак правопорядкым аралыше-влакын вийышт дене 14 терактым да терроризм сынан 8 преступленийым ыштышашым чактарен кертме, 7 террористым, нунын коклаште кок вуйлатышыштым пытарыме, терроризм сынан пашан 32 организаторжым, 102 бандитым да нунын 178 полышкалышыштым уголовно мут кучаш шогалтыме.

Россий Федерацийыште терроризм идеологий ваштареш виктаралтше комплексный план ышталтын. Заседанийыште каласеныт: тушто ончыкталтше мероприятий-влакым шуктыман. Да тӱҥ задаче – тиде округысо калыкым, поснак самырык-шамычым, нунылан терроризм идеологийым шыҥдараш, терроризм сынан пашашке ушаш тыршыме деч арален кодымаш манын палемденыт.

Марий Эл Республикым вуйлатышын организаций да аналитике виктемжын уверже-влак негызеш Л.КАМАЛЕТДИНОВА ямдылен.

Опубликовать в Одноклассники

Добавить комментарий