Марий Элын Пӱртӱс поянлык, экологий да йырым-йырысе средам аралыме министерствын увертарымыж почеш, кодшо ийын у чодырам шындаш 511,2 килограмм нӧшмым ямдылыме. Атудын качествыжым «Рослесозащита» ФБУ-н Марий Элысе чодырам аралыме рӱдержын чодыра нӧшмӧ станцийжын специалистше-влак тергат.
Мутлан, кодшо ийын нуно 3501,1 килограмм нӧшмым тергеныт, 141 шымлымашым эртареныт. Ӱмаште ямдылме нӧшмӧ дене прыля моло ийлаште поген аралаш пыштыме 2989,9 килограмм урлыкашымат тергеныт.
Тичмаш налмаште, нӧшмӧ сай. Начарын шытышыжым 71 килограммым рашемдыме. Тидыже тудым кужу жап, 10 ий наре, аралыме дене кылдалтын, садлан качествыжат начаремын. Кодшо ийын погымо пӱгыльмӧ деч сай качестван нӧшмым налаш манын, шымлымашым эртарымеке, икмыняр ужашыжым угыч кошташ колтеныт.
Чодыра нӧшмӧ станцийын специалистше-влак кодшо ийын питомник ден теплицылаште ончен куштымо чодыра озымын кузе кушмыжымат акленыт. Тергыме 17 партий гыч 15-ше сайын вияҥеш гын, кокытшо поснак начар лийын.
С.Носова.
