Мемнан тунемше-влак призёр радамыште
Химий да немыч йылме дене Россий кӱкшытан олимпиадыште Марий Эл гыч тунемше-влак призёр лийыныт.
Тиде кечылаште элна мучко школышто тунемше-влаклан Россий кӱкшытан олимпиадын пытартыш йыжыҥже эрта. Химий дене уш-акыл таҥасымаш тений «Сириус» университетыште лийын. Ты предмет дене шинчымашым чылаже 500 тунемше терген. Марий Элын чапшым аралыше Руслан Мингазутдинов (Йошкар-Оласе 28-ше лицейыште 11-ше классыште тунемше) арален да призёр семын палемдалтын.
Немыч йылме дене уш-акыл таҥасымашын пытартыш йыжыҥыштыже (Псков олаште эртен) республикнан чапшым Йошкар-Оласе 11-ше №-ан лицейын 9-ше классыштыже тунемше Мила Бем кӱшнӧ кучен да призёр лийын. Чылаже немыч йылмым палымым элнан 71 регионжо гыч 247 ӱдыр-рвезе терген.
Г.Кожевникова
Фотом Марий Эл Образований да науко министерствын соцкылысе лаштыкше гыч налме.
