КАЛАСЕ, "МАРИЙ ЭЛ"

Налог пура, тиде сай

Марий Эл Республикын консолидироватлыме бюджетшын доходышкыжо тений икымше пелийыште 9901 миллион теҥге налогым да налог деч посна пурышо доходым налме. Тидыже кодшо ийысе тыгаяк жапысе деч 23,2 процентлан шукырак. Тидын дене Марий Эл Юл кундем федерал округыш пурышо 14 регион коклаште икымше верыш лектын.

Предприятий ден организаций-влакын парышыштлан налогым погымо дене округышто тыгак эн ончыл верыште улына. Ӱмашсе деч 53,4 процентлан кушкынна. А теве физический лицо-влакын доходыштлан налогым погымо шотышто 3-шо верыш лектынна, але ӱмашсе тыгаяк жап дене таҥастарымаште 10,9 процентлан ешаралтын.

А.АНДРЕЕВ.

Опубликовать в Одноклассники

Добавить комментарий